एनपीएलको तेस्रो संस्करणको मिति घोषणा, कात्तिक ९ देखि मंसिर ५ सम्म हुने

काठमाडौं । नेपाल क्रिकेट संघ (क्यान) ले तेस्रो संस्करणको नेपाल प्रिमियर लिग (एनपीएल) आगामी कात्तिक ९ देखि मंसिर ५ (अक्टोबर २६ देखि नोभेम्बर २१) सम्म सञ्चालन गर्ने भएको छ ।

क्यानले शनिबार विज्ञप्ति जारी गरी प्रतियोगिताको मिति सार्वजनिक गरेको हो । एनपीएल नेपाली क्रिकेटको घरेलु फ्रेन्चाइज क्रिकेट प्रतियोगिता हो। क्यननले प्रतियोगिताको तेस्रो संस्करणमा सहभागी टोली, खेल तालिका तथा अन्य विवरण भने सार्वजनिक गरेको छैन ।