सुलभ खरेलको टिप्पणीः बालेन-अर्जुन, रवि-श्रीकृष्ण र स्वर्णिम विदुरको भूमिकामा

काठमाडौं । राष्ट्रिय स्वतन्त्र पार्टीका सांसद सुलभ खरेलले प्रधानमन्त्री बालेन साह अर्जुन र सभापति रवि लामिछाने श्रीकृष्णको भूमिकामा रहेको बताएका छन् ।

बिहीबारको प्रतिनिधिसभा बैठकमा बजेटमाथिको छलफलमा भाग लिँदै सांसद खरेलले यस्तो बताएका हुन् । उनले भने, ‘महाभारतको रणभूमिमा तीन पात्र अर्जुन, श्रीकृष्ण र विदुरको चर्चा हुन्छ । प्रधानमन्त्री बालेन साह अर्जुनको भूमिकामा हुनुहुन्छ । त्यो लक्ष्यमा केन्द्रित हुनुहुन्छ । युद्धभूमिमा रहेको लडाकु वा कार्यान्वयनकर्ताको रूपमा उहाँ हुनुहुन्छ । श्रीकृष्णको भूमिकामा हाम्रा पार्टीका श्रद्धेय सभापति हुनुहुन्छ ।’

उनले अर्थमन्त्री डा. स्वर्णिम वाग्ले विदुरको भूमिकामा रहेको बताए । उनले अर्थमन्त्रीलाई एउटा सत्य बोल्ने व्यक्ति, अर्थशासन, नैतिकता भएको व्यक्तिकारुपमा चित्रण गरे ।

उनले भने, ‘विदुरको रूपमा अर्थमन्त्री डा. स्वर्णिम वाग्लेलाई एउटा सत्य बोल्ने व्यक्ति, अर्थशासन, नैतिकता र दीर्घकालीन हितका विषयमा राज्य सञ्चालान गर्ने व्यक्ति हुनुहुन्छ ।’