चिकित्सा शिक्षा आयोगको उपाध्यक्षको जिम्मेवारी गिरीलाई

काठमाडौं । प्रधानमन्त्री बालेन साहले चिकित्सा शिक्षा आयोगको उपाध्यक्षको जिम्मेवारी डा. श्रीकृष्ण गिरीलाई दिएका छन् । प्रधानमन्त्रीले सोमबार डा. गिरीलाई आयोगको उपाध्यक्षको जिम्मेवारी दिएका हुन् ।

सरकारले सार्वजनिक पदाधिकारीको पदमुक्ति सम्बन्धी विशेष व्यवस्था गर्न बनेको अध्यादेश ल्याएपछि आयोगका उपाध्यक्ष डा. अञ्जनी कुमार झालगायतका पदाधिकारी पदमुक्त भएका थिए । त्यसपछि आयोगको उपाध्यक्ष पद खाली भएको थियो ।

आयोगको स्थापना भएपछि पहिलो उपाध्यक्ष रहेका गिरीले ४ वर्षे कार्यकाल पूरा गरेका थिए ।