काठमाडौं । नेकपा एमालेका महासचिव शंकर पोखरेलले पार्टीले अंगिकार गरेको मार्गदर्शक सिद्धान्त जनताको बहुदलीय जनवाद (जबज) सामु लोकप्रियतावाद, अराजकतावाद र अवसरवादको चुनौती केही समयका पाहुना भएको बताएका छन् ।
नेपाल कम्यूनिष्ट पार्टीको स्थापना दिवसको अवसरमा सामाजिक सञ्जालमार्फत महासचिव पोखरेलले यस्तो बताएका हुन् ।
उनले भनेका छन्, ‘जबजका समृद्ध विचारका सामु अल्गोरिदमले नेपाली राजनीतिमा सृजना गरेको लोकप्रियतावाद, अराजकतावाद, र अवसरवादको चुनौती केही समयका पाहुना जस्तै हुन् । कम्युनिष्ट आन्दोलनको गौरवपूर्ण इतिहासप्रति सम्मान प्रकट गर्दै जबजको मार्गदर्शनमा समाजवादको बाटोमा दृढतापूर्वक अघि बढ्ने सङ्कल्प गरौँ ।’
महासचिव पोखरेलले नेकपाका संस्थापक पुष्पलाल श्रेष्ठ, नारायण विलास जोशी, निरञ्जन गोविन्द वैद्य, नरबहादुर कर्मचार्य र मोतीदेवी श्रेष्ठ लगायतका नेताहरुको योगदानलाई स्मरण गरेका छन् ।
आज एमाले केन्द्रीय कार्यालयमा आयोजना गरिएको पार्टी ७७औँ स्थापना दिवसमा उपत्यकाकामा रहेका नेता कार्यकर्तालाई सहभागी हुन र काठमाडौं बाहिर सम्बन्धित कमिटीहरुले आयोजना गरेका कार्यक्रममा सहभागी हुन उनले आग्रह गरेका छन् ।
प्रतिक्रिया