अर्थमन्त्री खनालद्वारा कूटनीतिक राहदानी फिर्ता

काठमाडौँ । निर्वाचनपछि नयाँ सरकार गठन हुनुपूर्व नै अर्थमन्त्री रामेश्वर खनालले कूटनीतिक राहदानी फिर्ता गरेका छन् ।

मंगलबार सामाजिक सञ्जालमार्फत खनालले कूटनीतिक राहदानी फिर्ता गरेको जानकारी गराएका हुन् ।

उनले भनेका छन्, ‘मलाई अर्थमन्त्रीको हैसियतमा प्रयोग गर्न उपलब्ध गराइएको कूटनीतिक राहदानीको प्रयोजन समाप्त भएकाले परराष्ट्र मन्त्रालयको राहदानी विभागमा फिर्ता बुझाइदिनुहुन राहदानी यसै साथ संलग्न राखी अनुरोध गरेको छु ।’