क्यानाडाली सामानमा लगाइएको कर विरुद्ध अमेरिकी संसदमा मतदान

अमेरिका । अमेरिकी संसद (हाउस अफ रिप्रेजेन्टेटिभ्स) ले बुधबार राष्ट्रपति डोनाल्ड ट्रम्पको क्यानाडाली सामानमा लगाइएको कर खारेज गर्ने पक्षमा मतदान गरेको छ । डेमोक्र्याटले प्रस्ताव गरेको मतदानमा ६ जना रिपब्लिकनसहित २१९ जना प्रतिनिधिबाट स्वीकृति प्राप्त भएको छ भने विपक्षमा २११ जना रहेका छन् ।

प्रस्ताव क्यानाडाली सामानहरूमा दण्डात्मक व्यापार उपायहरू राख्न ट्रम्पको प्रयासको विरुद्धमा भएको जनाइएको छ । संसदमा डेमोक्र्याटहरू २१४ सिटमा छन् भने रिपब्लिकनहरूको २१८ सीट रहेको छ ।

पछिल्लो समयमा सिनेटमा प्रस्ताव पारित हुने सम्भावना बढ्दै गएको छ, जसले पहिले दुई पटक मतदान गरी ट्रम्पलाई क्यानाडामा कर लगाउनबाट रोकेको जनाइएको छ ।