इरानका केही शहरमा क्षेप्यास्त्र परीक्षण गरिएको दावी

तेहरान । इरानले सोमबार देशका विभिन्न स्थानमा कैयौँ क्षेप्यास्त्र परीक्षण गरेको अर्धसरकारी समाचार संस्था ( फार्स) ले जनाएको छ ।

ती क्षेप्यास्त्र इरानको खोर्रामाबाद, महाबाद, इस्फहान, तेहरान र मशहादमा परीक्षण गरिएको फार्सले जनाएको छ ।

इरानी सेनाका प्रमुख आमिर हतामीले भने, “इरानीसेना असममित र अनियमित युद्धसहित कुनै पनि खतराको सामना गर्न सधैं तयार छ।”

पश्चिमी इरानमा तैनाथ सैनिक इकाइहरूको भ्रमणका क्रममा हतामीले भने, “हामी दुश्मनको हरेक गतिविधिलाई नजिकबाट नियालिरहेका छौँ र कुनै पनि दुर्भावनापूर्ण कार्यको निर्णायक जवाफ दिनेछौँ ।”