काठमाडौँ । साफ महिला क्लब च्याम्पियनसिपको उपाधि भारतीय क्लब ईस्ट बंगाल एफसीले जितेको छ । शनिबार त्रिपुरेश्वस्थित दशरथ रंगशालामा भएको फाइनल खेलमा नेपालको एपीएफ फुटबल क्लबलाई ३–० ले हराउँदै पहिलो संस्करणको उपाधि ईस्ट बंगालले जितेको हो ।
ईस्ट बंगालको जितमा कप्तान फाजिला इक्वापुतले दुई तथा सिल्कीदेवी हेमामले एक गोल थपिन् । पहिलो हाफमा एपीएफविरुद्ध ईस्ट बंगालले २–० को अग्रता बनाएको थियो। दोस्रो हाफमा थप एक गोल गर्न सफल भयो । खेलको २२औँ मिनेटमा ईस्ट बंगालकी कप्तान फाजिला इक्वापुतले गोल गर्दै १–० को अग्रता दिलाइन्।
३५औँ मिनेटमा सिल्कीदेवी हेमामको गोलमा ईस्ट बंगालले पहिलो हफमै २–० को अग्रता बनायो । ४६औँ मिनेटमा कप्तान फाजिलाले ब्यक्तिगत दोस्रो तथा टिमको लागि तेस्रो गोल गरिन्। त्यसपछि बाँकी समय थप गोल नहुँदा बंगाल च्याम्पियन बन्यो । योसँगै च्याम्पियन ईस्ट बंगालले १० हजार अमेरिकी डलर पाउँदा एपीएफले ५ हजारमा चित्त बुझायो ।
प्रतिक्रिया