विवादास्पद अभिव्यक्ति दिएको भन्दै एकीकृत समाजवादीले मेटमणि चौधरीलाई सोध्यो स्पष्टीकरण

काठमाडौं । नेकपा (एकीकृत समाजवादी)का उपमहासचिव मेटमणि चौधरीलाई पार्टीले स्पष्टीकरण सोधेको छ । पार्टीले केही दिनअघि एक टेलिभिजनलार्ई दिएको अन्तरवार्ताको विषयलाई लिएर स्पष्टीकरण सोधेको हो ।

स्पष्टीकरण पत्रमा भनिएको छ, ‘अनेकौँ तथ्यहरूले उक्त भूभाग नेपालको हो भन्ने कुरा स्पष्ट पारेका छन् । हाम्रो पार्टीको समेत दाबीका आधारमा उक्त भूभाग संविधानको अंग बनाइएको कुरा सर्वविदितै नै छ । त्यसविपरीत, मुलुकको अखण्डता र सार्वभौसमसत्ताका विरुद्ध तपाईँले किन बोल्नु भएको हो ?’