संसद्को आगामी बैठकमा अनिवार्य उपस्थित हुन आफ्ना सांसदलाई कांग्रेसको ह्वीप

काठमाडौं । नेपाली कांग्रेसले आगामी संसद बैठकमा अनिवार्य उपस्थित हुन आफ्ना सांसदहरूलाई निर्देशन दिएको छ ।

शुक्रबार बसेको संसदीय दलको बैठकले आइतबार बस्ने संसद बैठकमा अनिवार्य उपस्थित हुन सांसदहरूलाई निर्देशन दिएको हो । संसदको आगामी बैठकमा विनियोज विधेयक पारित गर्ने कार्यसूची रहेको छ।

त्यसैले आफ्ना सांसदहरूलाई अनिवार्य उपस्थित भएर देश र जनताको पक्षमा आवाज उठाउन निर्देशन दिइएको प्रमुख सचेतक रमेश लेखकले जानकारी दिए ।

उनले बजेटका विषयमा त्यहीबेला निर्णय गर्ने बताए। उनले मन्त्रालयगत बजेटमा मन्त्रीहरूले मनपरी बजेट विनियोजन गरेको बताए । कांग्रेसले खर्च कटौतीको प्रस्ताव राखेको र त्यसकै पक्षमा उभिने उनको भनाइ छ।