यौन दुर्व्यवहारमा मुछिएका हिमाल आरोही निर्मल पुर्जालाई नेपाल प्रवेशमा रोक लगाउन सांसद बजगाईंको माग

काठमाडौँ । नेपाली कांग्रेसका सांसद राजेन्द्र बजगाईँले हिमाल आरोही निर्मल पुर्जालाई नेपाल प्रवेशमा रोक लगाउन माग गरेका छन् ।

मंगलबारको प्रतिनिधि सभा बैठकको शून्य समयमासांसद बजगाईँले न्यूयोर्क टाइम्सले फिनल्याण्डका हिमाल आरोहीलाई पुर्जाले यौन दुर्व्यवहार गरेको समाचार छापिएको भन्दै यो नेपालका लागि नराम्रो समाचार रहेको बताए । उनले यस्ता व्यक्तिलाई नेपाल आउन बन्देज लगाउनुपर्ने बताए ।

उनले भने, ‘कहिले डोरी टाङ्ने शेर्पाहरूलाई डोरी काट्यो भनेर बदनाम गर्ने, कहिले नेपाली नागरिकतामा हिमाल चढ्ने, पछि आफ्नो नागरिकता सरेन्डर गर्छन् । यस्ता व्यक्तिलाई नेपाल सरकारले वा पर्यटन मन्त्रालयले नेपाल आउन बन्देज गर्नुपर्यो ।’