काठमाडौं । नेपाली कांग्रेसले गृहमन्त्री रवि लामिछानेमाथि छानबिन गर्न संसदीय समिति गठन नभएसम्म सदन चल्न नदिने भएको छ ।
आइतबार संसद भवनमा पत्रकार सम्मेलन गरी कांग्रेस महामन्त्री गगन थापाले गृहमन्त्रीमाथि छानबिन गर्न संसदीय समिति नबनेसम्म सदन चल्न नदिने बताएका हुन् । उनले समिति गठन नभए प्रधानमन्त्री पुष्पकमल दाहाल प्रचण्डले विश्वासको मत लिने प्रक्रिया अगाडि नबढ्ने बताए ।
उनले भने, ‘हामी निर्वाध संसद चलोस् भन्ने चाहन्छौं। हाम्रो माग नाजायज छैन। भोलि बिहान ११ बजे अगाडि संसदीय छानबिन समिति गठन गरेर सरकार, प्रधानमन्त्री, उपप्रधानमन्त्री आउनुहुन्छ भन्ने विश्वास लिएका छौं। यदि त्यसो भएन भने विश्वासको मत लिने प्रक्रिया पनि अगाडि बढ्दैन।’
प्रतिक्रिया