काठमाडौं । नेकपा एकीकृत समाजवादीका अध्यक्ष माधवकुमार नेपालले आफ्नो पार्टीले प्रधानमन्त्रीलाई विश्वासको मत दिने बताएका छन् ।
आइतबार पेसागत महासंघ नेपालको २९औं स्थापना दिवस ससमारोहमा अध्यक्ष नेपालले आफ्नो पार्टी नै सरकारमा रहेकाले प्रधानमन्त्रीलाई विश्वासको मत दिने कि नदिने भन्ने प्रश्नै नउठ्ने बताए ।
कसैले पनि यसमा शंका गर्न नहुने भन्दै उनले सरकारलाई हाम्रो पार्टीको विश्वासको मत प्राप्त हुने बताए । नीति तथा कार्यक्रमको सन्दर्भमा संसदमा छलफलको ढोका नखोल्दा संवैधानिक जटिलताहरु खडा हुने भन्दै सहमतिको बुँदामा पुग्न आवश्यक भएको उनले बताए । अध्यक्ष नेपालले अहिलेको सदनको अवरोध हटाउनु सबैको हितमा हुने बताए ।
नीति र कार्यक्रमको सन्दर्भमा संसदमा छलफल गर्ने ढोका नखोल्दासंवैधानिक जटिलता खडा हुने भन्दै यसमा ध्यानमा राख्नुपर्ने बताए ।
प्रतिक्रिया