विराटनगर । कोशी प्रदेशका मुख्यमन्त्री हिक्मत कार्कीले मन्त्रिपरिषद् विस्तार गरेका छन् । मुख्यमन्त्री कार्कीले शुक्रबार एमाले र माओवादीबाट मन्त्रीहरू थपेर मन्त्रिपरिषद्लाई पूर्णता दिएका छन् । नवनियुक्त मन्त्रीहरूले प्रदेश प्रमुख परशुराम खापुङ्गसमक्ष पद तथा गोपनीयताको शपथ लिएका छन् ।
मुख्यमन्त्री कार्कीसहित एमालेबाट मन्त्रिपरिषद्मा ६ र माओवादीबाट ४ जना सहभागी भएका छन् । एमालेबाट एकराज कार्की, लिलाबल्लब अधिकारी र पिके राई मन्त्री बनेका छनन् । यस्तै सिर्जना राई राज्यमन्त्री भएकी छिन् ।
माओवादीबाट राजेन्द्र कार्कीको नेतृत्वमा सरकारमा सहभागी भएको छ । माओवादीबाट नारायण बुर्जा मगर मन्त्री र वन्दना झाँगड राज्यमन्त्री भएका छन् । यसअघि एमालेबाट राम राना मगर र माओवादीबाट गणेश उप्रेती मन्त्री नियुक्त भएका थिए ।
प्रतिक्रिया