इजरायलद्वारा एक महिनामा चौथो पटक इन्धनको मूल्य वृद्धि

इजरायलले इन्धनको मूल्य ७ दशमलव ५१ शेकेलको तुलनामा ७ दशमलव ७२ शेकेल वृद्धि भएको घोषणा गरेको छ ।
इजरायली ऊर्जा मन्त्रालयले विज्ञप्ति जारी गरी आजदेखि लागू गरेको मूल्य वृद्धि एक महिनामा चौथो पटकको वृद्धि हो ।

आजदेखि लागु हुने मूल्य वृद्धि गत वर्षको डिसेम्बरको भन्दा ११ दशमलव २ प्रतिशतले वृद्धि भएको छ र सन् २०२२ जुलाई पछिको उच्चतम स्तरमा पुगेको छ । मन्त्रालयका अनुसार हालको वृद्धि भूमध्यसागरीय देशहरूमा औसत ईन्धनको मूल्यलाई आधार बनाएर निर्धारित गरिएको हो ।

सन् २०२४ को बजेटमा उल्लेखित इन्धनको मूल्य निर्धारणको महत्वपूर्ण तत्व अन्तःशुल्क करका लागि अनुदान बन्द गर्ने सरकारको निर्णयबाट निरन्तर मूल्य वृद्धिको एउटा प्रमुख कारण हो । यसले जारी द्वन्द्वको बीचमा अन्य खर्चहरू घटाउँदै रक्षा खर्चलाई प्राथमिकता दिन्छ ।