टर्कीका विपक्षी दलका नेताद्वारा जेलमा रहेका मानवअधिकारवादी नेतासँग भेट

टर्कीका राष्ट्रपति रेसेप तैयप एर्दोगानको पटक–पटकको आक्रमणमा परी आजीवन कारावासको सजाय भोगेका एक नागरिक समाजका नेतालाई टर्कीको विपक्षी दलका प्रमुखले पहिलो पटक भेटेका छन् ।

धर्मनिरपेक्ष नेता केमल किलिकडारोग्लुले मानवअधिकारवादी तथा परोपकारी अभियन्ता उस्मान कवालालाई जेलमा भेटेको प्रसङ्गलाई राजनीतिज्ञहरूले मार्चमा नगरपालिका चुनावमा आफ्नो ध्यान केन्द्रित गर्ने एउटा सशक्त मुद्दाका रूपमा अथ्र्याएका छन् । निर्वाचनले इस्तानबुल र अङ्कारामध्ये कुन क्षेत्रको प्रभाव बढी छ भन्ने बिषयलाई झल्काउने छ ।

किलिकडारोग्लुले आफू कभालाको इस्तानबुल इलाका कारागारमा ‘अन्यायलाई अझ स्पष्ट पार्न’ आएको बताएका छन् । टर्कीले काभालालाई तत्काल रिहा गर्न युरोपियन कोर्ट अफ ह्युमन राइट्सको आदेश पालन गर्न इन्कार गरेपछि अङ्काराको पश्चिमा मित्रराष्ट्रहरूसँगको सम्बन्ध बिग्रिएको छ ।

आलोचकहरूका अनुसार यसले एर्दोगानको प्रभुत्वशाली शासनको दोस्रो दशकमा टर्कीको अधिकार रेकर्डमा आएको गिरावटलाई पनि उजागर गरेको छ ।

टर्कीको सर्वोच्च अदालतले सन् २०१३ मा भएको ठूलो प्रदर्शनका क्रममा एर्दोगानको सरकारलाई अपदस्थ गर्ने प्रयास गरेको अभियोगमा काभालालाई दोषी ठहर गर्दै आजीवन कारावासको सजाय सुनाएको थियो ।