युक्रेनमा विमान दुर्घटना हुँदा कम्तीमा पाँचजनाको मृत्यु, तीनजना घाइते
युक्रेनमा विमान अवतरणकाक्रममा दुर्घटना हुँदा कम्तीमा पाँचजनाको मृत्यु भएको छ ।
युक्रेनमा ८ यात्रीसहित उडेको सामान ढुवानीका लागि प्रयोग हुने एक विमान अवतरणकाक्रममा शुक्रबार दुर्घटनाग्रस्त हुँदा कम्तीमा पाँचजनाको मृत्यु भएको हो ।द एन्टोनोभ–१२ एलभिभ विमानस्थलबाट करिब डेढ किलोमिटर टाढा दुर्घटनाग्रस्त भएको थियो ।
विमान दुर्घटनास्थलबाट तीनजनालई घाइते अवस्थामा उद्धार गरी उपचारका लागि अस्पतालमा पठाइएको छ । युक्रेनी आपत्कालीन सेवा सम्बद्ध अधिकारीले चालकदलका सदस्यहरूमध्ये तीनजनाको मृत्यु भएको र दुईको अवस्था अज्ञात रहेको बताएका छन् ।
उक्त विमान किभस्थित युक्रेनी कम्पनी युक्रेन एअर अलाएन्सद्वारा सन्चालन गरिँदै आएको र स्पेनको भिगो विमानस्थलबाट युक्रेनका लागि उडेको थियो । विमान इन्धन खाली भएपछि दुर्घटना भएको अनुमान छ ।
युक्रेनी आपत्कालीन सेवा विभागले विमानको एउटा पखेटा जमिनमा धसिएको फोटो सामाजिक सञ्जालमार्फत् सार्वजनिक गरेको छ ।
