अफगानिस्तान, पाकिस्तान र भारतमा शक्तिशाली भूकम्पको झट्का



शुक्रवार साँझ हिन्दूकुश क्षेत्रमा केन्द्रबिन्दू भएको एक शक्तिशाली भूकम्प गएको अमेरिकी भौगर्भिक निकाय यूएसजीएसले जनाएको छ।

युएसजीएसले उक्त भूकम्पको शक्ति ६.१ म्याग्निट्यूड भएको जनाएको छ।

पाकिस्तानको राष्ट्रिय भूकम्प केन्द्रले भूकम्प ६.४ म्याग्‌निट्यूड मापन गरिएको भनेको छ।

पाकिस्तानको लाहोर, इस्लामाबाद, पेशावर, मर्री, मनसेहरा, बट्टग्राम,चिनिओट र गिलगिट-बाल्टिस्तानमा भूकम्पको धक्का महसुसु गरिएको डनन्यूजटिभिलाई उल्लेख गर्दै पाकिस्तानको डन समाचारपत्रले लेखेको छ।

भूकम्प गएपछि अत्तालिएका मानिसहरू आआफ्नो घर बाहिर जम्मा भैरहेका बताइएको छ।

इस्लामाबादमा संसदको बैठक चलिरहेका अवस्थामा भूकम्प गएकाले सांसदहरू संसद भवन खाली गरेर बाहिरिएका बताइएको छ।

देशको विदेशमन्त्रालयको कार्यालय बाहिर मन्त्री शाह मेहमुद कुरेशी लगायतका अधिकारीहरू उभिरहेका तस्बिरहरूपनि सार्वजनिक भएका छन्।

पाकिस्तानी समाचारपत्रहरूका अनुसार हालसम्म हताहतिको विवरणहरू प्राप्त भैसकेका छैनन्।

भारतीय सञ्चारमाध्यमहरूका अनुसार राजधानी दिल्ली, मथुरा, लखनउ लगायत उत्तरी भारतका केही भागमा भूकम्पको धक्का महसुस गरिएको थियो। दिल्ली र आसपासका क्षेत्र एवं पञ्जाबमा पनि भूकम्पको धक्का महसुस गरिएको बीबीसी हिन्दीले जनाएको छ।

सो भूकम्पको गहिराइ २१० किलोमिटर मापन गरिएको बताइन्छ। भूकम्पको केन्द्रबिन्दु अफगानिस्तानमा भएको बताइएको छ। रोयर्टस समाचार संस्थाले प्रत्यक्षदर्शीलाई उद्धृत गर्दै पाकिस्तान, अफगानिस्तान र भारतका उत्तरी भागमा भवनहरू हल्लिएका उल्लेख गरेको छ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
नयाँ सरकार गठनका लागि तालिबान नेता छलफलमा

तालिबान समूहले अफगानिस्तानको शासन सत्ता हातमा लिएपछि नयाँ सरकार गठनका बारेमा छलफल गरिरहेका

मोजाम्बिकमा इस्लामिक अतिबादी समूहको आक्रमणमा दर्जनौको मृत्यु

अफ्रिकी मुलुक मोजाम्बिकमा इस्लामिक अतिबादी समूहको आक्रमणमा दर्जनौको मृत्यु भएको आशंका गरिएको छ

कोभिड-१९ विरुद्ध नोभाभ्याक्सको खोप प्रभावकारीता ८९ प्रतिशत रहेको दावी

अमेरिकी बायोटेक्नोलोजी कम्पनी नोभाभ्याक्सले परीक्षणका क्रममा रहेको कोभिड नोभ्याक्सिनको प्रभावकारीता ८९ प्रतिशत रहेको

जिम्बाब्बेका विदेश मन्त्रीको कोरोना संक्रमणबाट निधन

जिम्बाब्बेका विदेशमन्त्री सिबुसिसो मोयोको बुधबार निधन भएको छ । कोरोनाभाइरसबाट सङ्क्रमित भएको पुष्टि