इरानलाई नियन्त्रणमा नराखिए तेलको मूल्य सोच्दै नसोचेको तहमा बढ्ने साउदी युवराजको चेतावनी



साउदी अरबका युवराजले इरानलाई नियन्त्रणमा नराखिए तेलको मूल्य “सोच्दै नसोचेको तहमा बढ्ने” चेतावनी दिएका छन्।

युवराज मोहम्मद बिन सलमानले इरान र साउदी अरबबीच युद्ध भए त्यसले विश्वको अर्थतन्त्रलाई तहसनहस पारिदिने सम्भावना व्यक्त गरेका छन्।

दुई हप्ताअघि साउदी तेल खानी र प्रशोधन केन्द्रमा आक्रमणहरू भएका थिए। साउदी अरबले इरानलाई ती आक्रमणको दोष लगाउने गरेको छ।

सीबीएस न्यूजसँग कुरा गर्दै साउदी युवराजले पत्रकार जमाल खशोग्जीको हत्याको उत्तरदायित्व आफूले लिने बताएका छन्।

तर आफूले व्यक्तिगत रूपमा खशोग्जीको हत्या गर्न आदेश नदिएको उनको दाबी छ।उनी साउदी राजाका उत्तराधिकारी हुन्। उनलाई साउदी अरबमा सबैभन्दा शक्तिशाली व्यक्ति मानिन्छ।

साउदी सरकारको आलोचना गर्ने पत्रकार खशोग्जीमाथि युवराजकै आदेशमा कारबाही भएको शङ्का गरिन्छ।

गत वर्ष अक्टोबर २ मा टर्कीस्थित साउदी कूटनीतिक नियोगमा खशोग्जीको हत्या भएको थियो। तर अहिलेसम्म उनको शव वा शारीरिक अवशेष भेटिएको छैन।

एउटा अमेरिक समाचार च्यानल सीबीएसमा प्रसारित अन्तर्वार्तामा उनले भने, “साउदी अरबको नेताका रूपमा म पूर्ण जिम्मेवारी लिन्छु खासगरी किनभने यो [खशोग्जीको हत्या] साउदी सरकारका लागि काम गर्ने व्यक्तिले गरेका थिए।”

तर आफूले खशोग्जीलाई मार्न आदेश नदिएको र त्यसबारे त्यतिबेला आफूलाई कुनै जानकारी नभएको दाबी गर्दै उनले आफूविरुद्ध लागेका आरोपहरू अस्वीकार गरेका छन्।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
गाजामा इजरायली हमलामा ६० जनाको मृत्यु

गाजा । इजरायली आक्रमणबाट सोमबार रातिदेखि मंगलबारसम्म गाजापट्टीमा कम्तीमा ६० जनाको मृत्यु भएको

नयाँ सुरक्षा उपायका बावजुद श्रीलङ्कामा रेलको ठक्करबाट हात्तीको मृत्यु

कोलम्बो । श्रीलङ्काको एक्सप्रेस ट्रेनमा ठोक्किएर मङ्गलबार एउटा हात्ती मरेको छ र रेल

युक्रेनसहित प्रमुख भन्सार शुल्कसम्बन्धी चिन्ताका साथ जी–७ वित्त नेताहरूको भेला

बान्फ (क्यानाडा)। जी–७ राष्ट्रका शीर्ष वित्त नेताहरू मङ्गलबारदेखि क्यानाडामा भेला हुँदैछन् । भेलामा

पुटिनसँगको वार्तापछि ट्रम्पले भने- रूस र युक्रेनले युद्ध अन्त्यका लागि वार्ता सुरु गर्छन्

बीबीसी । अमेरिकी राष्ट्रपति डोनाल्ड ट्रम्प र रूसी राष्ट्रपति भ्लादिमिर पुटिनबीच दुई घण्टा