चीनको हेनान प्रान्तमा बाढीमा परी ५६ जनाको मृत्यु, झेङझाओमा १२ करोड मानिस प्रभावित
मध्य चीनको हेनान प्रान्तमा वर्षापछिको बाढी तथा डुबानका कारण कम्तीमा ५६ जनाको मृत्यु भएको छ । बाढीका कारण चार लाख ९५ हजार जनालाई अस्थायी रूपमा अन्य सुरक्षित स्थलमा लगिएको ग्लोबल टाइम्सले जनाएको छ ।
पिपुल्स लिबरेशन आर्मी (पीएलए) केन्द्रीय थिएटर कमान्डले २५ हजार सैनिक, सशस्त्र प्रहरीलाई हेनानको लागि पठाएको छ । ती सुरक्षा अधिकारी बाढीमा फसेका मानिसहरुलाई सुरक्षित रुपमा उद्धारको गर्नको लागि पठाइएको हो ।
चीन राज्य बाढी नियन्त्रणको लागि राहत मुख्यालयले पानीको स्रोत, आपतकालिन व्यवस्थापन र स्वास्थ्य मन्त्रालयहरूको एक टोली शुक्रवार सिन्सिआङ्ग बाढीको असरे निरीक्षण गर्न समन्वय गरेको छ ।
गएको साताको अन्तदेखि मुसलधारे वर्षाले हेनान प्रान्तलाई सताएको छ । प्रान्तीय राजधानी झेङझाओमा १२ करोड व्यक्ति प्रभावित भएका छन् । झेङझाओको मौसम विभागले यस वर्षाको स्तरलाई एक हजार वर्षपछि आएको विपत्ति भनी उल्लेख गरेको छ ।
