प्रिन्स दाहाल प्रेसिडेन्ट कप २०२० को फाइनल प्रवेश
काठमाडौं । काठमाडौंमा जारी खेलमा प्रिन्स दाहाल प्रेसिडेन्ट कप नेपाल ईन्टरनेशनल सिरिज २०२० को दुई विधामा फाइनल प्रवेश गरेका छन् । दाहाल पुरुष एकल र जोडी दुबै तर्फ फाईनल प्रवेश गरेका हुन् ।
प्रतियोगितामा दोश्रो वरियता प्राप्त तथा विश्व जुनियर वरियतामा १४ औं स्थानमा रहेका दाहाल सेमिफाइनलमा भारतका अभिन बशिष्ठ माथि २१–१८, २०–२२, २१–१७ को जित निकाल्दै उपाधी नजिक पुगेका हुन् । अब प्रिन्सले उपाधीका लागि यस प्रतियोगिताका पहिलो वरियता तथा विश्व जुनियर बरियतामा तेश्रो स्थानमा रहेका भारतका मिरबा लुवाङ्गसँग प्रतिस्पर्धा गर्ने छन् । लुवाङ्गले श्रीलंकाका दुमिन्दु अब विक्रमालाई २१–१२, २१–८ ले पराजित गर्दै फाइनल प्रवेश गरेका
थिए ।
दाहाल पुरुष युगलमा पनि फाइनल प्रवेश गर्न सफल भएका छन् । पेम्बा शेर्पासँग मिलेर दाहालले आफ्नै देशका अमृत चौधरी र जेबी साउदलाई २१–१०, २१–११ ले पराजित गर्दै फाइनल प्रवेश गरे ।
