सन्तोष साहुखलको कीर्तिमानी १०० गोल
काठमाडौं । सन्तोष साहुखल सहिद स्मारक ए डिभिजन लिगमा एक सय गोल गर्ने पहिलो खेलाडी बनेका छन् । बुधबार दशरथ रंगशालामा भएको नेपाल पुलिस क्लबविरुद्धको खेलमा च्यासल युथ क्लबका फरवार्ड साहुखलले गोल गर्दैं नेपाली घरेलु लिगमा एक सय गोल पूरा गरेका हुन् ।
पुलिसविरुद्ध १८ मिनेटमा गोल गर्दै साहुखलले यो कीर्तिमान बनाएका हुन् । उनी अहिले च्यासल फुटबल क्लबका कप्तान समेत हुन् । यसअघिको लिगहरुमा उनले विभिन्न क्लबबाट ९६ गोल गरेका थिए ।
यो सिजनमा उनले पहिलो खेलमा संकटाविरुद्ध २ गोल गरे भने दोस्रो खेलमा मच्छिन्द्रविरुद्ध १ गोल गरे । उनकै गोलमा च्यासलले पहिलो खेलमा संकटामाथि २ ० गोलको जित र मछिन्द्रमाथि १ १ गोलको बराबरी खेलेको थियो ।
२०६० सालदेखि लिग खेल्न सुरु गरेका साहुखल नेपाली लिगका सर्वाधिक गोलकर्ता हुन् । थ्रीस्टारबाट आफ्नो लिग यात्रा सुरु गरेका उनले डेब्यू खेलमै गोल गरेका थिए ।
