चन्द्रागिरिको कपडा गोदाममा आगलागी
काठमाडौं । काठमाडौंको चन्द्रागिरि नगरपालिका वडा नम्बर ११ सतुंगल चोक स्थित कपडा पसल तथा कम्प्लेक्समा आगलागी भएको छ ।
बिहीबार बिहान साढे पाँच बजेको समयमा कपडा पसलमा आगलागी भएको हो । आगलागीपछि सशस्त्र प्रहरी बल नम्बर १८ निलबाराही गणबाट सहायक प्रहरी निरीक्षक गोविन्द पौडेलको कमान्डमा गएको टोली गएको थियो ।
त्यस्तै काठमाडौं महानगरपालिका, चन्द्रागिरि नगरपालिका तथा नेपाली सेनाको विपद गणबाट गएको दमकलको सहायताले आगलागी नियन्त्रणमा लिइएको सशस्त्र प्रहरीका सहप्रवक्ता डीएसपी शैलेन्द्र थापाले जानकारी दिए ।
