नेपाल–भारत सीमा र विमानस्थलमा उच्च सुरक्षा सतर्कता बढाउने केन्द्रीय सुरक्षा समितिको निर्णय
काठमाडौं । सरकारले नेपाल–भारत सीमामा निगरानीका साथै जाँच बढाउने निर्णय गरेको छ । बुधबार गृह मन्त्रालयमा बसेको केन्द्रीय सुरक्षा समितिको बैठकले सीमामा निगरानी बढाउनुका साथै विमानस्थलमा उच्च सतर्कता अपनाउने निर्णय भएको गृह मन्त्रालयका प्रवक्ता रामचन्द्र तिवारीले जानकारी दिए ।
बैठकमा भारत–पाकिस्तानबीच तनाव बढेपछि पछिल्लो समय विकसित घटनाक्रमका बारेमा छलफल भएको थियो । गृहमन्त्री रमेश लेखकको अध्यक्षतामा बसेको बैठकले भारत–पाकिस्तानबीचको तनावले मुलुकको आन्तरिक सुरक्षामा पर्ने प्रभावका विषयमा लामो छलफल भएको छ ।
त्यसैगरी बैठकमा पछिल्लो विकसित घटनाक्रममा लिएर आन्तरिक पर्नसक्ने प्रभाव, सुरक्षा सतर्कर्ता, तनावबाट हुनसक्ने सम्भावित चुनौतीका बारेमा समेत विस्तृतमा छलफल भएको छ ।
त्यसैगरी भारत र पाकिस्तानमा रहेको नेपाली नागरिकको सुरक्षाका विषयमा पनि बैठकमा छलफल भएको छ । प्रवक्ता तिवारीले भने, ‘आन्तरिक सुरक्षामा गर्नुपर्ने थप तयारी, समन्वय र सूचना आदानप्रदान लगायतका विषयमा कुराकानी भएको छ । सीमानाकादेखि विमानस्थलसम्म सुरक्षा सर्तकता बढाउने निर्णय नै भयो ।’
