सरिता गिरीद्वारा सर्वोच्चमा रिट दर्ता
काठमाडौं । पार्टी कार्वाहीमा परी निष्काशित समाजवादी पार्टीकी सांसद सरिता गिरीले पार्टी र सरकारविरुद्ध मुद्दा दायर गरेकी छन् ।
आफूलाई सांसद र पार्टीबाट निष्काशन गर्ने निर्णय अवैधानिक भएको भन्दै सांसद गिरीले सर्वोच्च अदालतमा आइतबार मुद्दा दर्ता गरेकी हुन् ।
आफूलाई कारबाही गर्ने निर्णय अवैधानिक भएकाले त्यसविरुद्ध न्यायका लागि अदालत आएको उनले बताइन् । संसदीय दलको सिफारिशमा मात्र आफूलाई केन्द्रीय समितिले कारबाही गर्न सक्ने जिकिर पनि गरेकी छन् ।
पार्टी निर्णयविपरित गई लिम्यिाधुरासहितको भूभाग समेट्ने गरी भएको संविधान संशोधन प्रस्तावलाई सच्याउनुपर्ने भन्दै संशोधन दर्ता गरेको र राष्ट्रहित विपरीत अभिव्यक्ति दिएको भन्दै उनलाई पार्टीले कारबाही गरेको छ ।
सांसद गिरी कालापानी, लिपुलेक र लिम्पियाधुरा नेपालको नक्शामा समेट्ने प्रक्रियासँग असहमत रहँदै आएकी छन् ।
