सिन्धुपाल्चोकमा बाढी पहिरोमा परी बेपत्ता भएकामध्ये दुई जनाको शव फेला, अन्यको खोजी जारी
सिन्धुपाल्चोक । बाढीले सिन्धुपाल्चोकको बाह्रबिसेस्थित जम्बु बजार बगाएको छ । अबिरल वर्षापछि आएको बाढीले बगाएर दुई जनाको मृत्यु भएको छ भने १४ घरका १९ जना बेपत्ता भएका बताइएको छ । बाढीले १५ वटा घरमा क्षती पुर्याएको स्थानीयले वताएका छन् । बाढीका कारण अरनिको राजमार्गसमेत अबरुद्ध भएको छ ।
बर्षाका कारण त्यस क्षेत्रका ठाडोखोलाहरुमा बाढी आएकाले भोटेकोशी नदीको बहाब समेत अत्याधिक बढेको छ । तटीय क्षेत्रका बासिन्दालाई स्थानीय प्रशासनले सतर्क रहन आग्रह गरेको छ । पानीको बहाव बढेपछि सुनकोशी जलविद्युत आयोजनाको बाँधका सबै ढोका खोलिएको छ ।
फोटोः अनन्त प्रकाश श्रेष्ठ र सन्दीपाको फेसबुकबाट
