निजामती कर्मचारी विधेयकका प्रावधान सच्याउन कर्मचारीहरुको माग, नभए सशक्त आन्दोलन गर्ने चेतावनी

काठमाडौं । निजामती कर्मचारीले संघीय निजामती कर्मचारी विधेयकमा राखिएका कतिपय व्यवस्थाप्रति आपत्ति जनाएका छन् । आइतबार विज्ञप्ति जारी गरी उनीहरुले विधेयकका केही व्यवस्था अन्यायपूर्ण, योग्यता प्रणालीको बर्खिलाप गर्ने खालका रहेको भन्दै गम्भीर ध्यानाकर्षण भएको उल्लेख गरेका छन् ।

‘ठूलो संख्यामा रहेका राजपत्र अनंकित प्रथम श्रेणीका कर्मचारीको भावनाविपरीत र योगदानको अवमूल्यन गर्दैं मनोबल कमजोर बनाउने गरी विद्यमान निजामती सेवा ऐन, २०४९ भन्दापछि हटेर सो ऐनमा भएका व्यवस्थासमेत हटाउँदै प्रस्तावित विधेयकमा राखिएका कतिपय प्रावधान अन्यायपूर्ण, योग्यता प्रणालीको बर्खिलाप र आपत्तिजनक रहेका छन्,’ निजामती सेवाका राजपत्र अनंकित कर्मचारीहरूले निकालेको विज्ञप्तिमा उल्लेख छ ।