आइओएमको डिनमा डा.दिव्यासिंह शाह नियुक्त
काठमाडौं । त्रिभुवन विश्वविद्यालय चिकित्सा अध्ययन संस्थान (आइओएम) को डिनमा प्रा डा.दिव्यासिंह शाह नियुक्त भएकी छिन् । त्रिवि कार्यकारी परिषद्को बैठकले शाहलाई डिनमा नियुक्ति गरेको हो ।
यसअघि उनी प्रधानमन्त्री केपी शर्मा ओलीको निजी चिकित्सकका रुपमा कार्यरत रहेकी थिइन् । यसअघिका डिन प्रा डा जगदीशप्रसाद अग्रवालले उमेर हदका कारण जेठ २१ मा अवकाश पाएपछि उक्त पद रिक्त थियो ।
