सरकार प्राविधिकरुपमा रहेपनि जनताको मनबाट भने ढलिसकेको छः प्रचण्ड
काठमाडौं । नेकपा (माओवादी केन्द्र)का अध्यक्ष पुष्पकमल दाहाल प्रचण्डले सरकार नैतिकरुपमा ढलिसकेको बताएका छन् ।
सोमबारको प्रतिनिधिसभा बैठकमा सरकारको नीति तथा कार्यक्रममा भाग लिँदै अध्यक्ष प्रचण्डले सरकार प्राविधिकरुपमा रहेपनि जनताको मनबाट भने ढलिसकेको बताएका हुन् ।
उनले प्रधानमन्त्रीलाई भने,‘प्राविधिकरुपमा त तपाईंको सरकार छ, तर जनताको मन मस्तिस्कमा यतिबेला नैतिकरुपमा भन्नेहो भने सरकार छैन, ढलिसकेको छ । मेरो चिन्ता सरकारको कार्यशैलीले तपाईंहरुमात्र ढल्नुहुन्न । लोकतन्त्रमाथि विरोध गर्नेहरुको जमात बढेको छ । सरकारको कार्यशैलीले जन्माएको असन्तुष्टिलाई प्रतिगामीले एकतावद्ध गर्दैछन् । झन् यो नीति तथा कार्यक्रमले जनतालाई निराशा लगेको छ।’
