नीति तथा कार्यक्रममा केही कमी भएको कांग्रेसको प्रतिक्रिया
काठमाडौं । नेपाली कांग्रेसका प्रवक्ता डा. प्रकाशशरण महतले नीति तथा कार्यक्रम समग्रमा राम्रो रहेको टिप्पणी गरेका छन् ।
सरकारले प्रस्तुत गरेको आगामी आर्थिक वर्षको नीति तथा कार्यक्रमकाबारेमा प्रतिक्रिया दिँदै महतले परम्परागत भन्दा एक कदम अगाडि बढ्नुपर्ने भएपनि त्यसो हुन नसकेको टिप्पणी गरेका हुन् ।
उनले नीति तथा कार्यक्रम परम्परागत भन्दा एक कदम अगाडि बढ्नुपर्नेमा भने त्यसो हुन नसकेको बताए ।
उनले भने, ‘नीति कार्यक्रम समग्रमा ठिकठाकै छ । तर यसलाई अझ परिवर्तन गर्न सकिन्थ्यो । केही बोल्ड कुराहरु परम्परागत भन्दा एक कदम अगाडि बढ्नुपथ्र्यो, त्यसो हुन सकेन केही कमी छ, तर समग्रमा ठीक छ ।’
उनले अर्थतन्त्र चलायमान बनाउन सडक, सिंचाइ, खानेपानी र सबैभन्दा बढी परिणाम आउने क्षेत्रबारे ठोस रुपमा आउनुपर्नेमा त्यसो हुन नसकेको बताए । प्रवक्ता महतले स्वास्थ्य क्षेत्रमा पनि जुन रुपमा जानुपर्ने हो त्यो व्यवहारमा जान समस्या हुने बताए ।
