प्रतिनिधिसभाको सभामुख चयनका लागि माघ १२ गते निर्वाचन
काठमाडौँ । रिक्त प्रतिनिधिसभाको सभामुख चयन गर्ने निर्वाचन माघ १२ गते हुने भएको छ । कार्यव्यवस्था परामर्श समिति बैठकमा सभामुखको निर्वाचन १२ गते गर्ने दलहरुबीच सहमति भएको हो ।
समिति सदस्य कांग्रेस प्रमुख सचेतक बालकृष्ण खाणले १२ गते सभामुखको निर्वाचन गर्ने सहमति भएको जानकारी दिए । सचिवालयकी कर्मचारीमाथि यौन दुव्यवहारको आरोप लागेपछि कृष्णबहादुर महराले गत असोज १४ गते राजीनामा दिएपछि सभामुख पद रिक्त छ । सभामुखका लागि नेकपाले पार्टी नेता अग्नि सापकोटालाई उम्मेदवार बनाउने निर्णय गरिसकेको छ ।