चीनको एउटा कारखानामा आगलागी हुँदा ३६ जनाको मृत्यु
मध्य चीनको एउटा कारखानामा आगलागी हुँदा ३६ जनाको मृत्यु भएको छ । सोमबार दिउँसो मध्य चीनको हेनान प्रान्तको आन्याङ शहरको एउटा प्लान्टमा भएको आगलागीमा अन्य केही घाइते भएका छन् ।
आगलागीबारे प्रहरीले अनुसन्धान गरेकोले थप विवरण सार्वजनिक हुन बाँकी नै छ । चीनमा औधोगिक दुर्घटना बारम्बार हुने गरेका छन् । सन् २०१९ मा मार्चमा एउटा रासायनिक उद्योगमा लागेको आगलागीमा ७८ जनाको मृत्यु भएको थियो ।
