जर्मनीमा खोप समर्थक र विरोधीहरुको प्रदर्शन
दशौं हजार खोप समर्थकहरू र महामारी अस्वीकार गर्नेहरूले जर्मनीभर जुलुस निकालेका छन् । सार्वजनिक प्रसारक एआरडीका अनुसार दक्षिणपश्चिमी शहर फ्रेइबर्गमा करिब ८ हजार ५०० मानिस सडकमा उत्रिएका थिए ।
तिनीहरूमध्ये लगभग ६ हजारले सार्वजनिक र निजी जीवनमा प्रतिबन्धको विरोध गरे जबकि २ हजार ५०० ले प्रतिद्वन्द्वी प्रदर्शन गरे। त्यसेगरी थप ३,००० प्रदर्शनकारीहरूले कोभिड–१९ असन्तुष्टहरूको आलोचना गर्दै उत्तरी बन्दरगाह शहर ह्याम्बर्गमा जुलुस निकालेका छन् ।
सयौं प्रदर्शनकारीहरू मास्क नलगाइकन ह्याम्बर्गर कुनस्टले बाहिर र्याली गर्दै प्रतिबन्धको अवज्ञा गरेका छन् जसका कारण पुलिससँग छिटपुट झडप भएको थियो । साथै ओस्नाब्रक, श्वेरिन, म्युनिख, फर्थ र डसेलडोर्फमा हजारौं मानिसहरूले प्रदर्शन गरेका छन् ।
