विश्वमा कोरोना संक्रमणबाट मृत्यु हुनेको संख्या १८ लाख ३५ हजार नाघ्यो
विश्वमा ५ करोड ९६ लाखभन्दा बढी मानिस कोरोना भाइरस संक्रमणमुक्त भएका छन् । पछिल्लो २४ घण्टामा ३ लाखभन्दा बढी संक्रमणमुक्त भएसँगै संक्रमणमुक्त हुनेको संख्या ५ करोड ९६ हजार ३४ हजार ९३२ पुगेको छ । संक्रमणमुक्त हुने कुल संक्रमितको ७० प्रतिशतभन्दा बढी हो ।
पछिल्लो २४ घण्टामा ५ लाख ५२ हजारभन्दा बढीमा संक्रमण भएसँगै विश्वमा संक्रमितको संख्या ८ करोड ४३ लाख ७५ हजार भन्दा बढी पुगेको छ । यसैगरी पछिल्लो २४ घण्टामा मात्रै विश्वभर ९ हजारभन्दा धेरैको मृत्यु भएको छ । हालसम्म १८ लाख ३५ हजार २२१ संक्रमितको मृत्यु भएको छ ।
विश्वमा सक्रिय संक्रिमतको संख्या २ करोड २९ लाख ४ हजार ८५३ रहेको छ । जसमध्ये १ लाख ६ हजार ५६१ जनाको अवस्था गम्भीर रहेको वल्डोमिटरले जनाएको छ ।
संक्रमणबाट विश्वमा सबैभन्दा बढी असर परेको अमेरिकामा २ करोड ६ लाख १७ हजार भन्दा बढी संक्रमित भएका छन् । ३ लाख ५६ हजारभन्दा धेरै संक्रमितको मृत्यु भएको छ भने १ करोड २१ लाख ७५ हजार भन्दाबढी संक्रमणमुक्त भएका छन् ।
भारतमा संक्रमितको संख्या १ करोड ३ लाख लाघेको छ भने १ लाख ४९ हजार बढीको मृत्यु भएको छ । यसैगरी, पछिल्ला केही दिनयता नयाँ प्रजातिको कोरोना देखिएको भन्दै त्रास फैलिएको छ । बेलायतमा पहिलो पटक देखिएको नयाँ प्रजातिको भाइरस चीन, फ्रान्स, अमेरिका लगाएत धेरै मुलुकमा देखिएको छ ।