विश्वमा ७ करोड ५९ लाख भन्दा बढी मानिसलाई कोरोना संक्रमण
विश्वमा कोरोना संक्रणबाट मृत्यु हुनेको संख्या १६ लाख ८० हजार नाघेको छ । वल्डोमिटरका अनुसार शनिबार बिहानसम्म कोरोना संक्रमणबाट विश्वमा १६ लाख ८० हजार ५८ जनाको मृत्यु भइसकेको छ । त्यस्तै विश्वमा पाँच करोड ३२ लाखभन्दा बढी मानिस कोरोन संक्रमणमुक्त भएका छन् ।
हालसम्म विश्वमा ७ करोड ५९ लाख ७१ हजार ४ सय १२ जनामा कोरोना संक्रमण भएको छ । विश्वमा २ करोड १० लाख ५२ हजारभन्दा बढी सक्रिय संक्रमित छन् । कोरोना भाइरसबाट सबैभन्दा बढी प्रभावित राष्ट्र अमेरिकामा हालसम्म १ करोड ७८ लाखभन्दा बढी मानिस संक्रमित भइसकेका छन् ।
संक्रमितमध्ये १ करोड तीन लाख ७२ हजारभन्दा बढी निको भएका छन् भने तीन लाख २० हजार पाँच सय ७७ जना संक्रमितले ज्यान गुमाइसकेका छन् । भारतमा हालसम्म १ करोड ४ हजारभन्दा बढी मानिस संक्रमित भएका छन् । संक्रमितमध्ये ९५ लाख ४९ हजारभन्दा बढी निको भएका छन् भने कोरोनाबाट ज्यान गुमाउनेको संख्या १ लाख ४५ हजार १ सय ७१ जना पुगेको छ ।