भारतमा अपार्टमेन्ट भत्किंदा ८० जना भन्दा बढी पुरिएको आशंका

भारतको महाराष्ट्रमा एउटा पाँचतले अपार्टमेन्ट भत्किंदा ८० देखि ९० जना मानिस पुरिएको आशंका गरिएको छ । मुम्बईबाट झण्डै १ सय ७० किलोमिटरको दूरीमा रहेको महद सहरमा उक्त घटना भएको हो । भत्किएको सो अपार्टमेन्टमा ४७ वटा फ्लाट रहेको प्रहरीले जनाएको छ ।

भवनमा पुरिएका मध्ये आठ जनाको उद्दार गरिकोमा एक जनाको मृत्यु भएको र सात जनालाई अस्पताल भर्ना गरिएको बीबीसी हिन्दीले जनाएको छ । उद्दार टोली भग्नावशेषमा पुरिएकाहरुको खोजी गरिरहेको छ ।