अमेरिकामा कोरोना सङ्क्रमणमा वृद्धि



अमेरिकाका प्रमुख सरुवा रोग विशेषज्ञले सांसदहरूलाई केही राज्यमा बेचैन पार्ने गरी कोरोनाभाइरस सङ्क्रमणमा वृद्धि देखिएको बताएका छन् । डा. एन्थोनी फाउचीले अमेरिकामा कोरोनाभाइरसको नयाँ प्रकोप रोक्नका लागि आगामी केही दिन महत्वपूर्ण हुने बताएका हुन् । अमेरिकाका केही राज्यहरूमा सङ्क्रमणम तीव्र गतिमा बढिरहेको छ । फाउची र अन्य तीन जना विज्ञहरूले राष्ट्रपति डोनल्ड ट्रम्पलाई कहिल्यै परीक्षणलाई कम गर्न नभनेको बयान दिएका छन् ।

ओक्लाहोमामा भएको एउटा र्यालीमा ट्रम्पले सङ्क्रमण कम देखाउन परीक्षणको दायरा कम गर्नु भन्ने सल्लाह दिइएको बताएपछि ती विज्ञहरूको भनाइ आएको हो । ह्वाइटहाउसले भने राष्ट्रपतिको भनाइ व्यङ्ग्यात्मक भनेको छ । डा. फाउचीले भने, ‘मेरो जानकारीमा भएसम्म हामीमध्ये कसैले पनि कहिल्यै पनि परीक्षण कम गर्न भनेका छैनौँ।’ कोरोनाभाइरस महामारी रोकथामका लागि अमेरिकाले चालेका कदमहरूबारे अनुसन्धान गर्न संसदीय समितिलाई बयान दिँदै डा. फाउचीले यस्तो बताएका हुन् ।

उनी नेशनल इन्टिट्युट अफ एलर्जी एन्ड इन्फेक्सिअस डिजिजेजका निर्देशक हुन् । उनले थप परीक्षणहरू गरिनेमा जोड दिए । सेन्टर्स फर डिजिजेज् कन्ट्रोल एन्ड प्रिभेन्सन सीडीसी, फुड एन्ड ड्रग एड्मिनिस्ट्रेसन एफडीए र डिपार्टमेन्ट अफ हेल्थ एन्ड ह्युमन सर्भिसेजबाट प्रतिनिधित्व गर्ने अन्य तीनजना अधिकारीहरूले पनि राष्ट्रपतिको भनाइ खण्डन गरेका छन् ।

उनीहरूले कहिल्यै पनि परीक्षण कम गर्न सल्लाह नदिएको बताए । अमेरिकामा कोरोनाभाइरस सङ्क्रमणका कारण हालसम्म एक लाख २० हजार जनाको ज्यान गइसकेको छ । यो सङ्ख्या विश्वकै सबैभन्दा धेरै हो ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
दक्षिणी चीनमा प्राचीन दुई जहाजको भग्नावशेषबाट नौ सय टुक्रा सांस्कृतिक अवशेष फेला

  चीनको राष्ट्रिय सम्पदा प्राधिकरणले दक्षिण चीन सागरको उत्तरपश्चिममा महाद्वीपीय ढलान नजिकै मिङ

गङ्गा नदीमा डुङ्गा पल्टिँदा ६ जना बेपत्ता

पटना नजिकै रहेको बिहारको बारह क्षेत्रमा आइतबार गङ्गा नदीमा १७ श्रद्धालु बोकेको डुङ्गा

दोहामा राष्ट्रसङ्घीय वार्तामा तालिबान सरकार सहभागी हुने

अघिल्लो चरणको निमन्त्रणालाई अस्वीकार गरेका तालिबान अधिकारीहरू कतारको राजधानी दोहामा अफगानिस्तानबारे संयुक्त राष्ट्रसङ्घले

रुसका दुई जेल कर्मचारी आइएस कैदीको कब्जामा

दक्षिणी रसियाको रोस्तोभको जेलमा इस्लामिक स्टेट (आइएस)का कैदीहरूले दुई जना जेलका कर्मचारीलाई बन्धक