विश्वमा ८८ लाख भन्दा बढी मानिसमा कोरोना संक्रमण
विश्वमा कोरोना संक्रमित संख्या ८८ लाख नाघेको छ । विश्व स्वास्थ्य संगठनका अनुसार विश्वमा कोरोना संक्रमितको संख्या ८८ लाख ६० हजार ३३१ पुगेको छ । त्यस्तै मृत्यु हुनेको संख्या ४ लाख ६५ हजार ७४० पुगेको छ । अमेरिकामा संक्रमितको संख्या २२ लाख ४१ हजार नाघेको छ भने १ लाख १९ हजार भन्दा बढीको मृत्यु भएको छ ।
त्यस्तै, ब्राजिलमा दश लाख ८३ हजार भन्दा बढी संक्रमित भएका छन् भने मृत्यु हुनेको संख्या ५० हजार नाघेको छ । रूसमा कोरोनाका कारण ८ हजार बढी मानिसको मृत्यु भएको छ भने संक्रमितको संख्या पाँच लाख ९१ हजार पुगेको छ । हालसम्म भारतमा ४ लाख २५ हजार बढी मानिसमा कोरोनाको संक्रमण भएको छ भने १३ हजार मानिसले कोरोनाका कारण ज्यान गुमाएका छन् ।