कोरोना संक्रमणबाट अमेरिकामा एक लाख नौ हजारको मृत्यु
कोरोना भाइरस संक्रमणबाट विश्वभर मृत्यु हुनेको सङ्ख्या ३ लाख ८८ हजार ४१ पुगेको छ । सङ्क्रमितको सङ्ख्या ६५ लाख ७३ हजार ५६८ पुगेको विश्व स्वास्थ्य संगठनले जानकारी दिएको छ ।
बिहीबार बिहानसम्म कोरोना भाइरसको कारण बिरामी भएका ३१ लाख ७० हजार ५३२ जना निको भएका छन् । हाल विश्वभरीमा कोरोना भाइरस सङ्क्रमित ३० लाख १४ हजार ९९४ व्यक्ति उपचाररत रहेका छन् । सङ्क्रमितहरूमा ५४ हजार २०० जनाको अवस्था गम्भीर रहेको जनाइएको छ । अमेरिकामा मात्र १९ लाख एक हजार ७८३ जनामा कोरोना भाइरस सङ्क्रमण रहेको छ । कोरोना संक्रमणबाट अमेरिकामा एक लाख नौ हजार १४२ जनाको मृत्यु भएको छ ।
