कोरोना संक्रमणबाट विश्वमा मृत्यु हुनेको संख्या तीन लाख असी हजार नाघ्यो

कोरोना संक्रणबाट विश्वमा मृत्यु हुनेको संख्या ३ लाख ८० हजार नाघेको छ । कोरोना संक्रमणबाट विश्वमा पछिल्लो २४ घण्टामा ४ हजार ५१६ जनाको मृत्यु भएको छ । सबैभन्दा धेरै ब्राजिलमा १ हजार २३२ जनाको मृत्यु भएको छ भने अमेरिकामा १ हजार एक सय ३२ जनाको मृत्यु भएको छ । बेलायतमा ३२४ जनाको मृत्यु भएको छ । भारतमा पछिल्लो २४ घण्टामा २२१, रुसमा १८२, मेक्सिकोमो २३७, फ्रान्समा १०७, इटलीमा २४ घण्टामा ५५ जनाको मृत्यु भएको छ ।