कोरोना संक्रमणबाट कुन देशका कतिको मृत्यु ? सूची हेर्नुस्

कोरोना संक्रमणबाट विश्वमा मृत्यु हुनेको संख्या १ लाख ४५ हजार ४ सय १० पुगेको छ । संक्रमितको संख्या २१ लाख ७९ हजार ९ सय ५ पुगेको छ । सबैभन्दा बढी संक्रमित अमेरिकामा छन् ।

अमेरिकामा अहिलेसम्म कोरोनाभाइरसबाट ६ लाख ६७ हजार भन्दा बढी सङ्क्रमित भइसकेका छन् भने ३२ हजार ९ सय भन्दा धेरैको मृत्यु भइसकेको छ । अमेरिकामा पछिल्लो २४ घण्टामा २१ सय ३७ जनाको मृत्यु भएको छ । स्पेनमा १ लाख ८४ हजार ९ सय ४८ जना संक्रमित हुँदा १९ हजार ३ सय १५ जनाको मृत्यु भएको छ । त्यसैगरी इटालीमा मृत्यु हुनेको संख्या २२ हजार १ सय ७० पुगेको छ ।

फ्रान्समा कोरोना भाइरसबाट मृत्यु हुनेको संख्या १७ हजार ९ सय २० पुगेको छ भने १ लाख ६५ हजार २७ जना संक्रमित भएका छन् । जर्मनीमा १ लाख ३७ हजार ६ सय ९८ जना संक्रमित भएका छन् ।

मृतकको संख्या ४ हजार ५२ पुगेको छ । वेलायतमा मृतकको संख्या १३ हजार ७ सय २९ पुगेको छ भने संक्रमितको संख्या १ लाख ३ हजार ९३ पुगेको छ । भारतमा संक्रमितको १३ हजार ४ सय ३० पुगेको छ भने मृतकको संख्या ४ सय ४८ पुगेको छ ।