मालीको सैनिक शिविरमा व्रिदोहीको आक्रमण, कम्तीमा १५ सुरक्षाकर्मीको मृत्यु
उत्तरपश्चिम अफ्रिकाको मालीमा अर्धसैनिक सुरक्षा बलको एक शिविरमा आक्रमण हुँदा कम्तीमा १५ जनाको मृत्यु भएको छ । मालीको मध्यक्षेत्रमा रहेको सोकोलो सुरक्षा शिविरमा जिहादी विद्रोहीले गरेको आक्रमण परी कम्तीमा १५ अर्धसैनिकको मृत्यु भएको हो ।
आक्रमणबाट मृत्यु हुनेमा अर्धसैनिक प्रहरी अधिकारी रहेका र शिविर बाहिर पनि दुई जनाको मृत्यु भएको स्थानीयले जानकारी दिएका छन् । आक्रमणकारी जिहादी लडाकूहरू मोटरसाइकलमा आएर आक्रमण गरेका सुरक्षा अधिकारीहरुले जानकारी दिएका छन् । आक्रमणकारीले शिविरबाट हतियार लगायतका धेरै सामानहरू लगेका छन् ।
सोकोलो सेग्यो क्षेत्र अलकायदासँग सहकार्य गरेको मालीको जिहादी समूहको प्रभाव क्षेत्र हो । सहेल क्षेत्रमा करिब चार हजार ५०० फ्रान्सेली सेना र मालीमा करिब १३ हजार संयुक्त राष्ट्रसंघको शान्ति सेना तैनाथ गरिएको छ । तर जिहादीहरूले लुकीछिपी गर्ने आक्रमणबाट माली, बुर्किनाफासो र नाइजरमा पटक पटक यस प्रकारका आक्रमणहरू हुने गरेका छन् ।
