ओहायो इन्ट्रा कप फुटबलमा एफसी युनाइटेड फाइनलमा



काठमाडौं । शुक्रबारदेखि अमेरिकाको ओहायो राज्यमा जारी इन्ट्रा कप फुटबल प्रतियोगितामा युवातर्फ एफसी युनाइटेड फाइनलमा प्रवेश गरेको छ । प्रवासका नेपालीभाषीहरूको सबैभन्दा ठूलो मानिएको इन्ट्रा कप फुटबल प्रतियोगिताको शनिबार सम्पन्न खेलबाट युवातर्फ चुके फुटबल क्लब भर्सेस कोलम्बस स्टार सेमिफाइनलमा पुगेको छ ।

त्यसैगरी भेट्रानतर्फ(३५ वर्षमाथिका पुरुष समूह)को खेलमा कोलम्बस इन्ट्रा भेट्रान्स क्लब र इन्ट्रा फुटबल क्लब सिनसिनाटी फाइनलमा पुगेको छ । प्रतियोगिता आयोजक संस्था इन्ट्रा नेशनल वेलफेयर एण्ड सपोर्ट फाउण्डेशनका संयोजक राम थापाका अनुसार महिलातर्फ कोलम्बस स्टार फुटबल क्लब र एनडी साइनिङ स्टार फाइनलमा प्रवेश गरेको छ ।

लिग र नकआउटका माध्यमबाट यसअघि महिलातर्फ सिन्सी रेबल्स फुटबल क्लब भर्सेस कोलम्बस स्टार, वारियर फुटबल क्लब भर्सेस एनडी साइनिङ स्टारबीच प्रतिस्पर्धा भएको थियो । युवा, भेट्रान पुरुष र महिलातर्फका सबै फाइनल खेल अमेरिकी समयअनुसार आइतबार हुनेछन् ।

यसअघि युवातर्फ युनिक ब्वाइज भर्सेस रोयल एफसी, मिसिगन एफसी भर्सेस एफसी युनाइटेड, टिमाई स्क्वाड भर्सेस केन्टकी एफी, कोलम्बस स्टार भर्सेस आइएन क्रिष्ट युनाइटेड, साङ्ग्रिला युथ भर्सेस इन्ट्रा फुटबल क्लब र भर्मन्ट भर्सेस हङ्ग्री एफसीबीच प्रतिस्पर्धा भएको थियो ।

यसैगरी भेट्रान्सतर्फ एक्रोन भेट्रान्स क्लब भर्सेस कोलम्बस भेट्रान्स क्लब, सिन्सिनाटी इन्ट्रा भेट्रान्स भर्सेस हिल सिटी भेट्रान्स, ह्यारिसवर्ग भेट्रान्स क्लब भर्सेस सिन्सिनाटी याले भेट्रान्स, मिनिसोटा भेट्रान्स भर्सेस ह्यारिस्बर्ग भेट्रान्सबीच प्रतिस्पर्धा भएको थियो ।

फाउण्डेशनका प्रवक्ता केशव आचार्यका अनुसार युवा टिमका विजेतका लागि सर्वाधिक १५ हजार अमेरिकी डलर (करिब रु १९ लाख ४० हजार नेपाली) पुरस्कार राखिएको छ ।

त्यसैगरी उपविजेतालाई आठ हजार अमेरिकी डलर पुरस्कार राखिएको छ । महिलातर्फ प्रथम हुनेले सात हजार पाँच सय र दोस्रो हुनेलाई पाँच हजार अमेरिकी डलर तथा भेट्रानतर्फ प्रथम हुनेलाई आठ हजार, दोस्रो हुनेलाई छ हजार र तेस्रो हुनेलाई दुई हजार पाँच सय अमेरिकी डलर पुरस्कार राखिएको छ ।

 

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
गोल्डन एथलेटिक्समा तेज र निशा सर्वोत्कृष्ट

काठमाडौं । गोल्डेन एथलेटिक्स मिट प्रतियोगितामा पुलिसका तेजबहादुर कार्की र लुम्बिनी प्रदेशकी निशा

पिपल्स च्वाइसमा पाँच खेलाडी मनोनयनमा पर्न सफल

काठमाडौं । नेपाल खेलकुद पत्रकार मञ्चले प्रदान गर्ने पल्सर स्पोर्टस अवार्ड २०७८ अन्तर्गत

नेपाली क्रिकेट टोलीको मुख्य प्रशिक्षकमा मोन्टी देशाई नियुक्त

काठमाडौं । नेपाल क्रिकेट संघ(क्यान)ले मोन्टी देशाईलाई नेपाली क्रिकेट टोलीको मुख्य प्रशिक्षकमा नियुक्त

माडीमा तेस्रो जुनियर राष्ट्रिय एथलेटिक्स प्रतियोगिता हुने

चितवन । नेपाल एथलेटिक्स सङ्घ तथा माडी नगरपालिकाको संयुक्त आयोजनामा तेस्रो जुनियर राष्ट्रिय