अर्जेन्टिनाद्वारा उरुग्वे एक शून्य गोलले पराजित



कतार विश्वकप छनोट खेलमा अर्जेन्टिनाले उरुग्वेलाई एक शून्य गोलले पराजित गरेको छ । आइतबार बिहान उरुग्वेको मैदानमा भएको खेलमा अर्जेन्टिनाले लियोनल मेसी विना सुरुवात गरेको थियो । तर एंजल डि मारियाले खेलको सातौं मिनेटमा गरेको गोलनै अर्जेन्टिनालाई जित दिलाउन पर्याप्त बन्यो । छनोटको अघिल्लो खेलमा उरुग्वेले अर्जेन्टिनालाई तीन शून्य गोलले नतिजा सुम्पिएको थियो ।

तर आज सुधारिएको प्रदर्शन गरेको उरुग्वेले घरेलु समर्थकको अघि गोलका धेरै अवसर सिर्जना गरेको थियो । तर सफल भएन । अर्जेन्टिनाका प्रशिक्षक लियोनल स्कोलानीले कहिले कांही मात्र जित हात पर्ने र त्यसमा सफल भएको प्रतिक्रिया दिए । उनले आज राम्रो नखेलेपनि जित महत्वपूर्ण भएको उल्लेख गरे । उत्कृष्ट डि मारियाको गोलबाट सुरुवाती ६ मिनेटमानै खेलको नतिजा निष्कर्षमा पुगेको थियो ।

लुइस स्वारेजले उरुग्वेका तर्फबाट गोल गर्ने अवसरको सदुपयोग गर्न सकेनन् । चोटका कारण फ्रेन्च लिग वान क्लब पेरिस सेन्ट जर्मेनमा पछिल्ला दुई खेल गुमाएर मेसी खेलको अन्तिम १४ मिनेट मैदान प्रवेश गरेका थिए ।

जितसँगै अर्जेन्टिनाले विश्वकप छनोट यात्रा बलियो बनाएको छ । तालिकाको दोस्रो स्थानमा रहेको अर्जेन्टिनाको १२ खेलबाट २८ अंक छ । अर्जेन्टिना पछिल्ला २६ खेल यता अपराजित छ । छैटौ स्थानको उरुग्वेको १३ खेलबाट १६ अंक छ । दक्षिण अमेरिकी क्षेत्रबाट ४ टिमले सिधै सन २०२२ को कतार विश्वकपमा स्थान बनाउनेछन् । अहिलेसम्म ब्राजिल कतार विश्वकपका लागि छनोट भएको छ ।

 

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
लोकेश बमको आक्रामक शतक जितका लागि अपर्याप्त, आयरल्याण्ड ए सँग नेपाल पराजित

काठमाडौं । लोकेश बमको कीर्तिमानी शतकमा आयरल्यान्ड ए विरुद्धको पहिलो खेलमा नेपाल ए

आयरल्यान्डद्वारा नेपाल ए लाई २२३ रनको लक्ष्य

काठमाडौं । आयरल्यान्ड ए विरुद्धको तीन खेलको टी२० सिरिजको पहिलो खेलमा नेपाल ए

चर्च ब्वाईज इटहरी गोल्डकपको फाइनलमा, उपाधिका लागि आर्मीसँग भिड्दै

धरान । इटहरीमा जारी १४ औँ संस्करणको अन्तर्राष्ट्रिय आमन्त्रण कन्ट्रोल इटहरी गोल्डकपको उपाधिको

विराट गोल्डकपमा भुटानको विजयी सुरुवात

मोरङ । विराट गोल्ड कप ट्रष्टद्वारा विराटनगरको शहीद रङ्शालामा आयोजित रात्रिकालीन ‘विराट गोल्डकप