पारस खड्का कसमस कलेजको ब्राण्ड एम्बेसडर नियुक्त
काठमाडौं । नेपाली राष्ट्रिय क्रिकेट टिमका पूर्व कप्तान पारस खड्का कसमस कलेजको ब्राण्ड एम्बेसडर नियुक्त भएका छन् । पारस खड्काले गत महिना मात्रै अन्तराष्ट्रिय क्रिकेटबाट सन्यासको घोषणा गरेका थिए ।
सन्यसापछि पारस पहिलोपटक कसमस कलेजको ब्राण्ड एम्बेसडरको रुपमा आएका हुन् । ब्राण्ड एम्बेसडर भएसँगै पारस खड्का कसमस कलेजको प्रमोसनको कार्यक्रमहरुमा सहभागि हुनेछन् । यस्तै पारस खड्काले स्थापना गर्न लागिएको क्रिकेट एकेडेमीलाई कसमस कलेजले सहयोग गर्नेछ । कलेजले क्रिकेट एकेडेमीमा रहेका खेलाडीहरुलाई शिक्षामा ५० प्रतिशत र एकेडेमीमार्फत राष्ट्रिय टिममा पुगेका खेलाडीहरुलाई शतप्रतिशत छुट दिने सम्झौता भएको छ ।