महिला एशिया कप छनोटका लागि २३ सदस्यीय टोली घोषणा
काठमाडौं । अखिल नेपाल फुटबल संघ (एन्फा)ले एएफसी महिला एशिया कप छनोटका लागि २३ सदस्यीय टोलीको घोषणा गरेका छ । जसमा सात जना खेलाडीले पहिलो पटक राष्ट्रिय टिममा स्थान बनाए ।
मिडफिल्डर प्रिती आले, डिफेन्डर विमला बिक, निशा थोकर, सृजना सिंह, स्ट्राइकर रश्मी घिसिङ, रजनी थोकर र सविता राना पहिलो पटक सिनियर टिममा परेका हुन् । मुख्य प्रशिक्षक ग्यारी फिलिपले अन्जली वाइबा, शर्मिला थापा मगर, अमिषा कार्की, मनिषा राउत र हेमा चौधरीलाइ भने टिममा अटाएनन् । घुँडाको शल्यक्रिया गरेकी स्टार स्ट्राइकर सावित्रा भन्डारीले भने छनोट खेल गुमाउनेछिन् ।
हाल उनी कतारमा छिन् । उज्वेकिस्तामा हुने छनोट खेलमा नेपाल रहेको समूहमा फिलिपिन्स र हङकङ छन् । नेपालमानै हुने तय भएको छनोट खेल कोभिडका कारण उज्वेकिस्तान सरेको हो । नेपालले पहिलो खेल सेप्टेम्बर १८ अर्थात् असोज २ मा फिलिपिन्ससँग खेल्नेछ । हङकङ संग २१ सेप्टेम्बर असोज ४ मा खेल्नेछ । शीर्ष स्थानमा रहने टिमले अर्को वर्ष भारतमा हुने एशिया कपमा स्थान बनाउनेछ ।
छनोट भएका खेलाडी
गोलकिपर –अन्जना रानामगर, अन्जिला तुम्बाप्पो सुब्बा र उषा नाथ
डिफेन्डर– पुजा राना, सिर्जना सिंह, पुनम जर्घा मगर, गिता राना, हिरा भुजेल, निशा थोकर, गिता राना, विमला बिक र अमृता जैशी
मिडफिल्डर– प्रिती राइ, रेनुका नगरकोटे, मन्जली तामाङ योन्जन, दिपा राइ, इन्दिरा राइ, अनिता बस्नेत र विमला चौधरी
फरवार्ड– सरु लिम्बु, सविता राना, रश्मी घिसिङ, अनिता केसी र रजनी थोकर ।
