च्याम्पियन्स लिगको उपाधि बार्सिलोनालाई
बार्सिलोनाको महिला टोलीले च्याम्पियन्स लिगको उपाधि जितेको छ । गएराती भएको फाईनलमा ईङलिश क्लब चेल्सीलाई ४–० ले हराउदै बार्साले पहिलो पटक च्याम्पियन्स लिग फुटबलको उपाधि जितेको हो ।
स्वीडेनमा भएको फाईनलमा बार्सिलोनालाई जिताउन एलेक्सिया पटेलास, आइतना बोनमती र कारोलिन ग्राहम हान्सेनले समान एक–एक गोल गरे । अर्को गोल उसले उपहारस्वरुप प्राप्त गरेको थियो । यसअघि सन् २०१९ को च्याम्पियन्स लिगको फाइनलमा बार्सिलोना फ्रान्सेली क्लब लियोनसँग ४–१ ले पराजित भएको थियो ।
जितसँगै बार्सिलोनाले पहिलो युईएफए वुमेन्स च्याम्पियन्स लिगको उपाधि जितेको छ । यससँगै दुवै पुरुष र महिला टोलीले च्याम्पियन्स लिग जित्ने बार्सिलोना पहिलो क्लबपनि बनेको छ । चेल्सी भने पहिलो पटक च्याम्पियन्स लिगको फाइनलमा पुगेको थियो ।
