पाँचौ टी–२० मा न्युजिल्यान्डको जित
अस्ट्रेलियाविरुद्धको पाँच खेलको टी–२० सिरिज घरेलु टिम न्युजिल्यान्डले जितेको छ । आइतबार विहान भएको पाँचौ तथा निर्णायक टी–२० खेलमा न्युजिल्यान्डले अस्ट्रेलियालाई ७ विकेटले पराजित गर्दै सिरिज ३–२ ले जितेको हो । पाँचौ खेलमा पहिले ब्याटिङ गरेको अस्ट्रेलियाले ८ विकेटको क्षतिमा १४२ रन जोड्यो।
उसका लागि म्याथ्यु वेडले ४४ रन जोड्दा आरोन फिञ्चले ३६ रन र मार्कस स्टोइनिस २६ रनको योगदान गरे । बलिङमा न्युजिल्यान्डका इश सोधिले ३ विकेट लिए भने टिम साउथी र ट्रेन्ट बोल्टले २–२ विकेट लिए ।
१४३ रनको लक्ष्य न्युजिल्यान्डले १५.३ ओभरमा ३ विकेटको क्षतिमा पूरा ग¥यो। न्युजिल्यान्डका लागि मार्टिन गुपटिलले ७१ रन जोडे भने डेभन कनवेले ३६ रन बटुले । ग्लेन फिलिप्सले नटआउट ३४ रनको योगदान दिए । गुपटिल प्लेयर्स अफ दि म्याच र इश सोधि प्लेयर्स अफ दि सिरिज भए।
