बायर्न म्युनिख बाहिरियो
जर्मन बुन्डेसलिगाको शीर्ष स्थानमा रहेको बायर्न म्युनिख दोस्रो श्रेणीको होल्सटिन किइलसँग सडनडेथमा पराजित हुँदै डिएफबी पोकलको दोस्रो चरणबाट बाहिरिएको छ । बायर्न सडनडेथमा होल्सटिनसँग ६–५ ले पराजित हुदै प्रतियोगिताबाट बाहिरिएको छ ।
निर्धारित समय र थप गरिएको समयको खेल २–२ गोलको बराबरीमा सकिएपछि खेलको निर्णय पेनाल्टी सुटआउटबाट लिइएको हो । त्यसअघि होल्सटिनको मैदानमा बुधबार राति भएको खेलमा बायर्नले खेलको १४औं मिनेटमा सर्ज जिनाब्रीको गोलबाट बायर्नले अग्रता लिएको थियो । उनले थोमस मुलरको पासमा गोल गरेका थिए ।
३७औं मिनेटमा फिन बार्टेल्सले गोल गर्दै खेललाई पहिलो हाफमा १–१ गोलको बराबरीमा ल्याए । ४८औं मिनेटमा लिरोए सानेले गोल गर्दै बायर्नलाई २–१ को अग्रता दिलाए । ९०औं मिनेटमा हउके वालले गोल गर्दै खेललाई अतिरिक्त समयमा लम्ब्याएका थिए ।
यस्तै डिएफबी पोकलको दोस्रो राउन्डको अर्को खेलमा १० खेलाडीमा समेटिएको बायर लिभरकुसनले फ्रान्कफुर्टमाथि ४–१ को सानदार जित निकाल्दै तेस्रो चरणमा प्रवेश गरेको छ ।
