फाइनलमा युएईद्वारा कुवेतलाई १०२ रनको अन्तरले पराजित
काठमाडौं । एसीसी वेस्टर्न रिजन टी(२० क्रिकेट प्रतियोगिताको उपाधि युएईले जितेको छ । बिहीबार ओमानमा भएको प्रतियोगिताको फाइनलमा युएईले कुवेतलाई १०२ रनको फराकिलो अन्तरले पराजित गरेको हो ।
युएईको सहज जितमा चिराग शुरीले अर्धशतक बनाए भने बलिङमा सुल्तान अहेमदले ४ विकेट लिए ।युएईले दिएको २०० रनको लक्ष्य पछ्याएको कुवेतले निर्धा्रित २० ओभर खेल्दै ७ विकेट गुमाएर ९७ रन मात्र बनाउन सक्यो । कुवेतका लागि मोहम्मद अस्लाम नवफरले अविजित रहँदै सर्वा्धिक २३ रन बनाए । कुवेतलाई कम स्कोरमा रोक्न युएईका सुल्तान अहेमदले ४ ओभरमा ९ रन मात्र खर्चेर ४ विकेट लिए । यस्तै अहेमद राजाले ४ ओभरमा ८ रन खर्चेर २ विकेट लिए ।